Një aksident fatal ka ndodhur sot në Thumanë, në aksin Milot-Fushë Krujë. Gazetari i Report TV, Julian Shota, raporton se Hamit Gabili, 65 vjeç, ka humbur jetën pasi është goditur nga një trajler që transportonte çimento, ndërsa ai ishte duke bërë ecjen e zakonshme në këtë rrugë.

Shkaqet e aksidentit paraprakisht dyshohet se janë shpejtësia e madhe me të cilën lëvizte trajleri. Përplasja ka qenë aq e dhimbshme sa 65-vjeçari ka ndërruar jetë në vend. Shoferi i trajlerit është shoqëruar në komisariat për veprime të mëtejshme, ndërsa një grup hetimor në vendngjarje është duke punuar për të sqaruar rrethanat e kësaj tragjedie të rëndë.