Kryedemokrati Lulzim Basha ka karakterizuar miratimin e amnistisë penale si një atentat kundër reformës në drejtësi. Ai akuzoi Rithemelimin dhe mazhorancën për të blerur votat për të siguruar mbijetesën e tyre politike, duke i nënvizuar ata si një kastë politike që privilegon interesat e tyre mbi interesat e shqiptarëve. Basha theksoi se Partia Demokratike është larguar nga ky akt i turpshëm dhe i bëri thirrje çdo deputeti që kishte votuar për amnistinë të distancohej nga ky akt. Heshtja e tyre u konsiderua si një kompromis i rëndë me qeverisjen e Ramës.
Ai gjithashtu akuzoi se ky ishte një veprim i menduar dhe planifikuar përpara, duke theksuar se ligji i parë u pranua pas konsultimeve me SPAK dhe institucionet e tjera, ndërsa i dyti u pazarua në mes të natës dhe u miratua në mëngjes. Basha kritikoi veçanërisht vendimmarrjen për të amnistuar të dënuarit për korrupsion, ndërkohë që protestuesit kundër korrupsionit nuk përfituan asgjë.
“Atentat kundër reformës në drejtësi, për të siguruar mbijetesën e një kaste politike që mbi interesat e shqiptarëve zgjedh gjithnjë interesat e veta. PD është distancuar nga ky veprim i turpshëm dhe sot është dita e në vazhdim, që çdo deputet që ka ngrit kartonin të distancohet nga ky akt i turpshëm, nga ky atentat kundër reformës në drejtësi. Heshtja e tyre i kompremton rëndë si pupacë të qeverisjes së Ramës. Kjo është e rëndë për ata deputetë që ndodhen aty me mandat opozitar. Ky ka qenë një akt i menduar dhe planifikuar tinëzisht, pr.ligjin e parë pranuan që e kishin konsultuar me SPAK dhe institucionet e tjera, ky i dyti që u pazarua në mes të natës dhe u trafikua në mëngjes ishte i planifikuar. Bënë bashkë votat për të amnistuar të dënuarit për korrupsion, ndërkohë që nuk përfitojnë protestuesit kundër korrupsionit”, tha Basha.
