Presidenti i Republikës, Bajram Begaj, sot nderoi kujtimin dhe veprën e dëshmorëve të atdheut.
Edhe pse kreu i shtetit nuk ishte vetë i pranishëm në Monumentin “Nëna Shqipëri” për shkak të qëndrimit në Itali, në emër të tij u vendos një kurorë me lule.
“Ata sigurisht që e deshën jetën e tyre, por më shumë deshën atdheun, ndaj dhe u martirizuan për atë që ne gëzojmë sot, lirinë.
Kurajo, patriotizmi, shpirti i tyre i sakrificës deri në dhënien e jetës, kanë dhe do të kenë përjetësisht nderimin tonë.
Lavdi dëshmorëve të Atdheut,” shkruan Begaj në një postim në rrjetin social “Facebook’.
