Një 39-vjeçar u arrestua nga policia pasi u kap duke mbjellë 23 bimë narkotike kanabis në dy parcela në pyllin e fshatit Picrragë. Dronët e policisë filmuan veprimin e tij, duke e bërë arrestimin e tij të mundur në flagrancë. Shtetasi D.S., banues në Krujë, u arrestua për veprën penale “Kultivimi i bimëve narkotike”. Materialet e sekuestruara u kaluan në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për procedura të mëtejshme.

“Si rezultat i tij u arrestua në flagrancë shtetasi D. S., 39 vjeç, banues në Krujë, për veprën penale “Kultivimi i bimëve narkotike”.
Ky shtetas, ka kultivuar bimë narkotike në dy parcela në pyllin e fshatit Picrragë, Krujë. Gjatë kontrollit në këto parcela, shërbimet e Policisë gjetën dhe sekuestruan, në cilësinë e provës materiale, 23 bimë të dyshuara narkotike kanabis”,-njofton policia.