Familjarët e Erdgys Arrazit janë të shokuar nga vendimi i ndërmarrë nga Alma Arrazi për të kryer aktin ekstrem të vetëvrasjes bashkë me tre fëmijët. Ata shprehen se mes çiftit ka pasur probleme, dhe për shkak të gjendjes së rënduar emocionale dhe psikologjike, Alma kurohej me ilaçe. Megjithëse pranojnë problemet mes tyre, ata thonë se Erdgys nuk i keqtrajtonte fëmijët.

“Jemi të lënduar dhe shokuar, nuk ja falim kurrë nuses vendimin fatal që ka ndërmarrë duke i marrë jetën vetes dhe tre fëmijëve. Erdgysi i kishte kujdes fëmijëve, ai nuk i ka keqtrajtuar asnjëherë. Punonte gjithë ditën në dyqan celularësh për t’i dërguar ata në shkolla private. Çifti kohët e fundit kanë pasur debate dhe Alma merrte ilaçe në ambulatorin e lagjes për gjendje të rënduar emocionale, por këtë vendim as nuk mund ta imagjinonim”, tha një prej familjarëve.