Një ngjarje e rëndë raportohet të ketë ndodhur në Kosovë, ku një vajzë ka qëlluar me thikë babanë e saj për arsye ende të paqarta. Sipas policisë vendase, i plagosuri është dërguar në spital për ndihmë mjekësore, ndërsa vajza është shoqëruar për veprime të mëtejshme proceduriale.

Zëdhënësi i policisë për rajonin e Ferizajt, Kanun Veseli, ka bërë të ditur se “palët e involvuara në rast janë dërguar për tretman mjekësor në qendrën emergjente ne Shtime. Lidhur me rastin është kontaktuar dhe njoftuar prokurori kujdestar, dhe me urdhrin e tij e dyshuara ndalohet për 48 orë dhe dërgohet në qendrën e ndalimit Ferizaj”.

Autoritetet kanë nisur hetimet për zbardhjen e plotë të shkaqeve të ngjarjes, në përpjekje për të sjellë dritë mbi arsyet e kësaj tragjedie.