Ministrja e Punëve të Jashtme dhe Diasporës në Kosovë, Donika Gërvalla, ka shqiptuar sot se Kosova po përballet me një sulm hibrid nga Rusia.
“Rusia po sulmon Kosovën në një mënyrë hibride sot, pasi kemi njoftuar për mbështetjen tonë për Ukrainën me pajisje ushtarake, në mbështetje të luftës së saj të justifikuar kundër agresionit gjenocidal rus.
Ne e dimë nga përvoja e gjenocidit të Kosovës nga Serbia se vetëm përdorimi i forcës ushtarake mund të ndalojë gjenocidin”, ka shkruar Gërvalla.
Hakerët rusë janë raportuar të kenë sulmuar faqet e internetit të institucioneve të Kosovës, të cilat gjatë ditës kanë qenë jashtë funksionit.
Sipas njoftimit të qeverisë, faqet e Presidencës dhe Kryeministrisë janë ndër shënjestrat e sulmeve.
