Përveç talentit artistik, këngëtari i njohur Young Zerka ka ndarë historinë e tij të jetës, duke zbuluar se dikur edhe ai ka udhëtuar me kamion në Angli në moshën 12 vjeçare. Duke folur në një program televiziv, ai përshkroi aventurat e tij të moshës së hershme, duke filluar nga futbolli në Korçë dhe përfunduar me udhëtimin e tij në Angli.

“Para se të bëhesha muzikant, luaja futboll dhe ekipi im në Korçë zhvilloi një kampionat në Holandë. Nga Holanda në Belgjikë. Kur ishim atje, vendosëm të iknim”, rrëfeu ai.

Young Zerka tregoi se kur ishte vetëm 12 vjeç, u largua nga Shqipëria drejt Anglisë me kamion, duke u fshehur për të mos u kapur nga policia.

“Së bashku me vëllain tim, që gjithashtu luante për ekipin ‘Young Boys’, u larguam nga Belgjika për në Angli. Udha ishte e vështirë, por arritëm të mbijetojmë pa u kapur nga autoritetet. Në Angli, u kujdesën për mua një çift nga Xhamajka”, shprehu ai me nostalgji.