Një punëtor ndërtimi humbi jetën aksidentalisht në Shëngjin, pasi ra nga kati i 9 i objektit ku po punonte. Ngjarja ndodhi rreth orës 7 e 30 minuta të mëngjesit të së enjtes, në një kantier ndërtimi pallatesh në rrugën e Kunës. Viktima u identifikua si Emiliano Frroku, 28-vjeç, i cili sapo kishte filluar punën në katin e 9 të objektit në ndërtim. Ai ra nga lartësia dhe gjeti vdekjen e menjëhershme si pasojë e plagëve të marra në disa pjesë të trupit. Autoritetet lokale dhe policia po hetojnë për shkaqet dhe rrethanat e kësaj tragjedie.
‘Rreth orës 7:30, dyshohet se gjatë punës, ka rënë aksidentalisht nga lartësia e një pallati, shtetasi E. F., i cili si pasojë ka humbur jetën në spital. Grupi hetimor vijon punën për të dokumentuar me prova ligjore rrethanat e rastit.’- njofton policia.
