Pas 10 orëve debate dhe diskutime, Kuvendi miratoi sot në mbrëmje 3 pr/ligjet që ishin në rendin e ditës së seancës plenare. Në një seancë ku ishin prezentë 53 deputetë, u miratuan pr/ligjet për ratifikimin e marrëveshjeve ndërmjet Republikës së Shqipërisë dhe partnerëve ndërkombëtarë.

Me 77 vota pro e 9 kundër, u miratua pr/ligji për ratifikimin e marrëveshjes ndërmjet Republikës së Shqipërisë (huamarrësi), përfaqësuar nga Ministria e Financave dhe Ekonomisë, dhe KFW Frankfurt am Main (KfW), për financimin e projektit “Transporti i gjelbër i Tiranës”. 53 deputetë ishin prezentë por nuk votuan.

Me 93 vota pro, asnjë kundër, asnjë abstenim, u miratua pr/ligji për ratifikimin e marrëveshjes ndërmjet Republikës së Shqipërisë dhe Bashkimit Evropian për pjesëmarrjen e Republikës së Shqipërisë në programin “Qytetarët, barazia, të drejtat dhe vlerat”

Me 93 vota pro, asnjë kundër, asnjë abstenim, u miratua pr/ligji për ratifikimin e Konventës Lubjanë – Hagë për Bashkëpunimin Ndërkombëtar për Hetimin dhe Ndjekjen Penale të Krimit të Gjenocidit, Krimeve kundër Njerëzimit, Krimeve të Luftës dhe Krimeve të Tjera Ndërkombëtare”