Renis Gjoka, i njohur dhe i dashur për publikun nga reality show-ja “Ferma Vip”, u befasua nga një surprizë e veçantë gjatë ditëlindjes së tij. Së pari, ai mori një kartolinë të shkruar nga gruaja dhe vajza e tij, dhe ndërsa po e lexonte me emocion, ato u shfaqën në ambientet e fermës për të festuar me të personalisht.

Ky moment i veçantë shkaktoi emocione të forta te Renisi, i cili nuk mund të përmbante lotët, duke shprehur se i mungonte shumë familja e tij. Bashkëshortja dhe vajza e tij u mirëpritën nga fermerët e tjerë dhe u shoqëruan për të vizituar hapësirat e “Ferma VIP”, duke takuar edhe banorët e tjerë.

Festa vazhdoi me hapjen e një shishe shampanjë, ku të gjithë fermerët u bashkuan për ta uruar Renisin në këtë ditë të veçantë.