Një shofer nga Kosova ka rënë në prangat e policisë në Kukës pasi përplasi për vdekje një këmbësor. Sipas burimeve zyrtare të policisë, ngjarja ndodhi mbrëmjen e së martës në autostradën “Milot-Morinë”. Viktima është një këmbësor rreth të 60-tave, identiteti i të cilit ende nuk është identifikuar.

“Shërbimet e Njësisë së Sigurisë Rrugore në autostradën “Milot-Morinë” arrestuan në flagrancë shtetasin A. M., 27 vjeç, banues në Prishtinë, pasi rreth orës 21:30, të datës 14.05.2024, në fshatin Gjegjan, me automjetin që drejtonte, ka përplasur një këmbësor ende të paidentifikuar, rreth 60 vjeç, i cili si pasojë ka humbur jetën në vendngjarje. Vijon puna për identifikimin e këtij shtetasi. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme”, tha policia në një njoftim për mediat.