Në një intervistë të fundit në “Top Albania Radio”, ish-banorja e “Big Brother VIP” Rike Roçi ndau detaje të reja nga jeta e saj personale dhe planet e saj për të ardhmen. Kur u pyet për ëndrrën e saj më të madhe, modelja tha: “Ëndrra ime është të bëhem nënë.”

Gjatë intervistës, Rike krahasoi meshkujt shqiptarë me ata italianë, duke theksuar se meshkujt italianë janë më xhentil dhe respektojnë më shumë femrat. Ajo shtoi se shqiptarët, sipas saj, janë më shumë maskilistë dhe dominantë.

“Ju këtu jeni shumë maskilistë. Jo që nuk i respektoni vajzat, por… Jeni dominant ju! Italiani është më xhentil kur të ngacmon. Të hap derën kur futesh në makinë, të hap derën e restorantit,” tha Rike, duke nxitur një diskutim mbi sjelljet dhe traditat kulturore të dy vendeve.