Një person ka humbur jetën dhe rreth 30 të tjerë janë plagosur në një fluturim të Singapore Airlines nga Londra, që u godit nga turbulenca e fortë.

Avioni Boeing 777-300ER me destinacion Singaporin devijoi në Bangkok. Ai kishte 211 pasagjerë dhe 18 anëtarë të ekuipazhit, tha linja ajrore në një deklaratë.

Autoritetet tajlandeze kanë dërguar ambulancat dhe ekipet emergjente në aeroport. Ministri i Transportit i Singaporit, Chee Hong Tat, tha se qeveria do të ofrojë ndihmë për pasagjerët dhe familjet e tyre.

“Jam thellësisht i pikëlluar kur mësova për aksidentin në bordin e fluturimit SQ321 të Singapore Airlines nga Londra Heathrow në Singapor”, shkroi ai në Facebook.

Singapore Airlines tha në një deklaratë se po bashkëpunon me autoritetet tajlandeze për të “siguruar ndihmën e nevojshme mjekësore” për pasagjerët dhe po dërgon ekipin e vet në Bangkok.

Ndërkohë, autoritetet tajlandeze kanë dërguar ambulancat dhe ekipet emergjente në aeroportin Suvarnabhumi.

“Prioriteti ynë është të ofrojmë të gjithë ndihmën e mundshme për të gjithë pasagjerët dhe ekuipazhin në bordin e avionit”, shtoi linja ajrore.

Ajo që ndodhi në bordin e fluturimit është ende e paqartë. Ekuipazhet e fluturimit kanë burime për të parashikuar turbulencat dhe janë të trajnuar për t’i përballuar.

“Dëmtimet nga turbulenca e rënda janë relativisht të rralla në kontekstin e miliona fluturimeve të kryera. Megjithatë, turbulenca e rënda mund të jetë dramatike dhe të çojë në lëndime të rënda ose, fatkeqësisht, në këtë rast, një fatalitet”, tha për BBC John Strickland, një ekspert i përgjithshëm i aviacionit.