Në një konferencë për shtyp me kryeministrin Edi Rama, Sekretari i Jashtëm britanik, David Cameron, ka përshëndetur suksesin e Shqipërisë në forume ndërkombëtare si Këshilli i Sigurimit në OKB dhe NATO, si dhe rritjen ekonomike të vendit.

Cameron shprehu dëshirën për të festuar suksesin e Shqipërisë, duke e vlerësuar si një histori suksesi.

“Një nga arsyet pse doja të vija është për të festuar suksesin tuaj sepse Shqipëria është histori suksesi. Ekonomik në Nato, lidershipi juaj në Këshillin e Sigurimit. Keni dhënë një drejtim kaq të qartë për atë se ku doni të arrijë Shqipëria dhe se ku duhet të jetë në sferën e Natos dhe të BE. Ka qenë është dhe do jetë një nga partneritetet më pozitive për ne. Për eksportet për shembull. Hekurudha nga Prishtina në Durrës që do jetë e rëndësishme për të gjithë rajonin. Puna që po bëjmë për të arritur anëtarësimin e Ukrainës në NATO por edhe për mbështetjen e drejtpërdrejtë që i japim njëri tjetrit. Ne me kënaqësi po ndihmojmë edhe në gjyqësor. Ka qenë partneritet i arrirë dhe shumë pozitiv shembull për të gjithë. Faleminderit për atë që thatë se jam mik i Ballkanit dhe rajonit”