Lulzim Basha, kryetari i Partisë Demokratike, ka ndarë me ndjekësit e tij në Facebook disa detaje të programit të PD për shëndetësinë, pasi ka zhvilluar diskutime të hollësishme me ekspertë dhe grupet e punës për të hartuar këtë plan.
Ai thekson se ndërsa miliona euro janë shpenzuar për koncesione korruptive në fushën e shëndetësisë, shqiptarët tashmë po paguajnë deri në 60% më shumë për shërbimet mjekësore nga xhepi i tyre. Kjo e bën Shqipërinë të një ndër vendet me koston më të lartë për shëndetësinë në Ballkan. Basha po ashtu shprehet se qytetarët po përballojnë pasojat e përdorimit të medikamenteve të cilësisë së ulët, ndërsa lista e barnave të rimbursuara përfshin kryesisht ato që janë më të lira, por me pak efikasitet.
Problemet e tjera që identifikon Basha përfshijnë mungesën e aparaturave dhe pritjen e gjatë për egzaminime. Ai vlerëson se me paratë e përdorura gabimisht në koncesione, PPP dhe tendera, një qeveri e përgjegjshme do të kishte ofruar një shërbim mjekësor cilësor për pacientët, duke përmirësuar kushtet e punës dhe të ardhurat e stafit mjekësor.
“Me ekipin e shëndetësisë diskutuam për planin tonë që do t’u mundësojë qytetarëve shërbim shëndetësor me cilësi dhe shpejtësi. Ndërkohë që miliona euro është fatura korruptive e koncesioneve në shëndetësi, sot shqiptarët shpenzojnë deri në 60% më shumë para nga xhepi për shërbimet e trajtimet mjekësore. Kjo është shifra më e lartë ndër vendet e Ballkanit, çka tregon gjendjen e vështirë në sektorin e shëndetësisë. Po kështu, qytetarët po vuajnë pasojat e medikamenteve jo cilësore ndërsa në listën e barnave të rimbursuara janë futur ato më të lirat, që kanë më pak efekt. Një tjetër problem është mungesa e aparaturave dhe koha e gjatë që u duhet të presin pacientët për egzaminime.Me paratë që janë abuzuar me koncensione, PPP e tendera, çdo qeveri e përgjegjëshme do të kishte ofruar një shërbim cilësor për pacientët aty ku jetojnë dhe do të kishte përmirësuar kushtet e punës dhe ato financiare të stafeve mjekësore. Eksodi i mjekëve nuk ndalet duke i “burgosur” në Shqipëri, por duke u krijuar kushte dhe mundësi për një jetë dinjitoze, për rritje profesionale dhe kushte për të ushtruar profesionin e tyre. Të gjitha problematikat janë adresuar në mënyrë të detajuar, duke ofruar zgjidhjet e nevojshme që kontributet për sigurimin shëndetësor që qytetarët kanë paguar, të mos shkojë dëm dhe ata të kenë shërbim shëndetësor në çdo kohë dhe barna cilësore për trajtimin e sëmundjeve të tyre”, thotë Basha.
