Policia në Vlorë ka ndaluar Mariglen Hamzon, 39-vjeçarin e armatosur, teksa lëvizte në lagjen “29 Nëntori”. Pamjet e arrestimit të tij janë publikuar sot, ku ai është kapur me një pistoletë me krehër plot me fishekë në kroskotin e makinës së tij. Policia kishte marrë informacion për lëvizjen e tij dhe organizoi operacionin e koduar “Strike 13”. Pas ndalimit të mjetit të tij “Opel”, ata sekuestruan armën dhe municionin. Veprimet hetimore vazhdojnë për të dokumentuar plotësisht veprimtarinë kriminale të shtetasit.

“Gjatë operacionit, shërbimet e Policisë kanë ndaluar automjetin tip “Opel”, me të cilin lëvizte 39-vjeçari, dhe kanë ushtruar kontroll, gjatë të cilit, në pjesën e kroskotit, gjetën dhe sekuestruan në cilësinë e provës materiale, 1 armë zjarri pistoletë me krehër dhe municion luftarak” informoi sot policia.