Ministri i Brendshëm Taulant Balla ka rikujtuar se puna për të dënuar armëmbajtjen pa leje po vazhdon me intensitet të lartë. Në një postim në rrjetet sociale, ministri Balla thekson se kjo është një nga sfidat kryesore të Policisë së Shtetit dhe po punohet çdo ditë për të goditur këtë fenomen.

“Armëmbajtja pa leje po goditet çdo ditë. Do të bëjmë gjithçka, me më shumë angazhim sesa më parë, që kjo shkelje e hapur e ligjit dhe burim kryesor i ngjarjeve të rënda kriminale të luftohet nga Policia e Shtetit me vendosmëri, çdo ditë”.

Në vazhdim, ministri Balla përgëzon Policinë e Shtetit në Vlorë për rezultatet e arrira: “Përgëzime Policisë së Shtetit Vlorë, për rezultatet dhe goditjen sistematike të këtij fenomeni, me qëllim parandalimin e ngjarjeve kriminale”.