Një 42-vjeçar i shpallur në kërkim për kultivim kanabisi ka rënë në prangat e policisë në Kurbin. Bëhet fjalë për 42-vjeçarin me tre emra, Bledar Baboçi alias Bledar Noka alias Bledar Trokthi.

Baboçi ishte pjesë e një grupi kriminal prej 11 personash, që u godit në vitin 2016 pasi kishin kultivuar kanabis në një magazinë në Laç. 42-vjeçari ishte dënuar me 5 vite burg dhe i ka mbetur edhe 1 vit e 4 muaj burg për të shlyer.

Si rezultat i kontrolleve dhe punës së inteligjencës policore, që kryhen në kuadër të megaoperacionit “Sundimi i Ligjit” për kapjen e shtetasve të shpallur në kërkim, Seksioni për Hetimin e Narkotikëve i DVP Lezhë, në bashkëpunim me Komisariatin e Policisë Kurbin, arrestuan në Kurbin dhe vunë në pranga shtetasin Bledar Baboçi alias Bledar Noka alias Bledar Trokthi.

42-vjeçari kërkohej kombëtarisht, pasi autoritetet gjyqësore në Shqipëri e kanë dënuar me mbi 5 vjet burgim për veprën penale “Kultivimi i bimëve narkotike”, kryer në kuadrin e grupit kriminal. Nga ky dënim, këtij shtetasi i kanë mbetur për të vuajtur 1 vit e 4 muaj.