Shyqyri Nevruzi, babai i recepsionistit 31-vjeçar Eraldo Nevruzi, i cili u vra në Dhërmi nga bashkëpronari i hotelit ku punonte, ka nxjerrë në pah një pistë të re për krimin e rëndë ndaj të birit. Në një intervistë, Nevruzi zbulon detaje të reja për incidentin dhe lidhjen e të birit me autorin e vrasjes, Gerald Shehu.

Nevruzi thotë se djali i tij nuk kishte njohje të mëhershme me Shehun apo me dy personat e tjerë nga Korça që ndihmuan në fshehjen e trupit të viktimës. Eraldo kishte vetëm një muaj që kishte shkuar në Dhërmi dhe ishte punësuar në hotel vetëm pesë ditë më parë, pasi kishte kërkuar punë si barist dhe më pas ishte marrë në recepsion për shkak të njohjes së tre gjuhëve të huaja.

Djali sa ditë kishte që punonte te ky hotel?

-Ka një muaj që ka shkuar në Dhërmi, do punonte në një lokal tjetër. Ai nuk ishte bërë gati dhe kishte shkuar në ky hotel për të kërkuar punë. Ka një javë.

Kush e sugjeroi këtë hotel?

-Asnjëri. Vet kishte kërkuar punë. Si barist. Se përballë kishte barin. E vjehrra e autorit është pronare e hotelit dhe e kishte kërkuar në recepsion. Ajo i ishte lutur djalit se dinte 3 gjuhë të huaja, i kishte kërkuar çuni 1.5 milionë lekë të vjetra dhe kishin rënë dakord. 5 ditë kishte që kishte nisur punë.

Nevruz, kush u lajmëroi për vrasjen e djalit?

-Nga televizori, aty e morëm vesh.

Po me dy djemtë e tjerë të Korçës, djali kishte njohje?

-Jo nuk i njihte fare. Unë e di që veç dy shok ka, ishin djemë të tjerë

Djali me parë ka qenë i dënuar për diçka? Ka patur probleme me ligjin?

-Djali ka patur një detyrim paraqitje, e kapën me dy gram hashash më parë.

Pse mendon që mund të ketë ardhur kjo?

-Mendoj konflikt i çastit, mund të mos i këtë pëlqyer puna, do i këtë kërkuar djali lekët dhe ai nuk do ja këtë dhënë. 99% këtë mendoj.

Djali yt nuk ishte konfliktual? Nuk kishte probleme më parë?

-Ka qenë i qetë dhe i logjikshëm përherë djali. Nuk ka patur asnjëherë probleme me njerëz.

Me parë çfarë punonte djali?

-Kamarier, bankier ka qenë.

Më familjen e autorit nuk keni komunikuar fare?

-Jo jo. Ka shkuar familja e gjithë andej. Unë vet nuk jam mirë. E regjistrova telefonatën me lejen tuaj.