Komisioni Qendror i Zgjedhjeve ka përcaktuar sot me short relatorët për kërkesat ankimore në lidhje me zgjedhjet e 25 prillit.

Shorti përcaktoi se relatorë do të jenë Elvin Lako, Elvis Çefa, Ilir Rusmajli, Koli Bele dhe Ledio Braho.

Secili prej tyre do të jetë relator për 15 kërkesat ankimore në KQZ.

“Pranë Komisionit Qendror të Zgjedhjeve janë paraqitur 15 kërkesa duke filluar nga kërkesa ankimore nr. 32 deri në kërkesën ankimore nr. 46”, tha sekretari i KQZ Ylli Merkaj.

Janë 9 kërkesa ankimore nga ana e Partisë Demokratike për përsëritjen e zgjedhjeve në 9 qarqe, 4 kërkesa janë nga LSI dhe 2 nga koalicioni ABEOK.

Partia Demokratike depozitoi dje në KQZ dosjen ankimore për mosnjohjen e zgjedhjeve të 25 prillit në 9 qarqe, në të cilat ajo pretendon qindra fakte konkrete të vjedhjes së votës dhe tjetërsimit të vullnetit të shqiptarëve.

RELATORËT E ANKESAVE TË PARTISË DEMOKRATIKE

Ankimimi 36
Vlora- Elvin Lako
Ankimimi  37
Durrësi-Koli Bele
Ankimimi 38
Shkodra- Elvin Lako
Ankimimi 39
Tirana- Ledio Braho
Ankimimi 40
Elbasani- Elvin Lako
Ankimimi 41
Gjirokastra- Koli Bele
Ankimimi 42
Berat- Ilirjan Rusmali
Ankimimi 43
Korca- Elvis Cefa
Ankimimi 44
Fieri – Ilirjan Rusmali