Eksperti i kriminalistikës, Ervin Karamuço, tregoi detaje mbi një komunikim të pazakontë mes Fredi Belerit, i cili ndodhet në burg, dhe kryeministrit grek, Kyriakos Mitsotakis. Karamuço deklaroi se pas zgjedhjes së Belerit si eurodeputet, pala greke kërkoi një takim me video me kryeministrin, kërkesë e cila u miratua nga autoritetet shqiptare.

Duke folur në emisionin “Top Story”, Karamuço shpjegoi se biseda virtuale zgjati disa minuta, pas së cilës Beleri u kthye në qeli i gëzuar, duke shpërndarë llokume dhe karamele për të burgosurit e tjerë.

“Ka qenë një shkresë nga kabineti i kryeministrit grek që i është dërguar SPAK, ku kërkohej mundësimi i një komunikimi me videocall. Është lejuar. Ka zgjatur disa minuta biseda, më pas është kthyer në qeli, shumë i gëzuar sigurisht. Lere çfarë thonë shampanjë, se në burgje nuk ka alkool, me rregull… por llokume dhe karamele janë shpërndarë,” tha Karamuço.

Ai shtoi se pritet vendimi për të ardhmen e Belerit. “Ai do mbarojë me kusuret me drejtësinë shqiptare, dhe më pas do të largohet nga Shqipëria,” theksoi Karamuço.