Sahit Dollapi ka dhënë dorëheqjen nga posti i Sekretarit Organizativ në Partinë Demokratike, pas rezultatit të zgjedhjeve të 25 prillit.
Emri i Dollapit u lakua në media gjatë protestave të opozitës para Parlamentit dhe Kryeministrisë. Ish-sekretari Organizativ i PD-së u dhunua nga policia para godinës së Kuvendit, pasi refuzoi të hiqte masën kundër gaz.
Ky moment shkaktoi reagime të forta në radhët e PD, ku Lulzim Basha iu kërkoi protestuesve të shkojnë së bashku tek drejtoria e Policisë së Tiranës për të kërkuar lirimin e tij.
Gjatë qeverisjes së Sali Berishës, Dollapi ka mbajtur detyrën e drejtorit të UKT-së dhe CEZ-it.
