Avokati Sokol Mengjesi, i cili u sulmua më 29 maj në Tiranë, vazhdon të trajtohet në një nga spitalet e Athinës, sipas njoftimit të fundit të dërguar nga burime të spitalit. Gjendja shëndetësore e tij ende mbetet e rëndë, me përmirësime minimale.

Sokoli është në koma që nga dita e sulmit, ku u sulmua nga tre persona pasi sapo kishte lënë djalin në kopsht, në zonën e ish-Bllokut në Tiranë.

Autorët e sulmit vazhdojnë të jenë në arrati. Policia është duke bashkëpunuar me autoritetet në Kosovë dhe Mal të Zi për të ndihmuar në zbardhjen e këtij rasti dhe për të kapur agresorët.