Fredi Beleri, eurodeputeti i zgjedhur i Greqisë, ka biseduar me agjencinë e lajmeve Reuters para ditës së premte, kur pritet të mbahet seanca në apel për dënimin e tij në Shqipëri për akuzat e blerjes së votave.
Beleri tha për Reuters se këto akuza janë false dhe të motivuara politikisht.
“Vendimi i vetëm i drejtë do të ishte lirimi im,” tha Beleri në një intervistë telefonike nga burgu.
“Nuk ka asnjë provë kundër meje. Nuk ka mundësi që vendimi të jetë ndryshe në ndonjë shtet tjetër”.
Sipas agjencisë Reuters, ‘rasti i Beleris ka acaruar marrëdhëniet midis Shqipërisë dhe Greqisë, fqinjëve ballkanikë, lidhjet e të cilëve shpesh janë acaruar për shkak të dallimeve kulturore dhe historike, si dhe emigrantëve të shumtë shqiptarë në Greqi dhe minoritetit grek në Shqipëri’.
“Shqipëria nuk mund të sillet sikur nuk është shtet evropian,” tha Beleri.
Beleri tha se pranimi i Shqipërisë në BE ishte në interesin më të mirë të të dy vendeve.
“As unë dhe, besoj, qeveria greke nuk kemi asnjë qëllim të dëmtojmë anëtarësimin e ndonjë vendi,” tha ai.
“Por një Shqipëri por që nuk respekton shtetin e së drejtës dhe vullnetin e popullit nuk i përket BE-së”, tha ai.
“Nuk ka njeri që do që Shqipëria të jetë një vend normal europian më shumë se unë”, shtoi Beleri.
“Ata që më akuzojnë për përçarje, duhet të kërkojnë përgjigjen te populli i Himares dhe populli grek”.
