Indrit Sefa, në një intervistë të dhënë së fundmi, theksoi se ndarja brenda Partisë Demokratike (PD) nuk ndodhi për shkak të çështjes së vulës, por për shkak të statusit “non grata” të Sali Berishës dhe vizioneve të ndryshme për të ardhmen e vendit. Sefa argumentoi se bashkimet mekanike, të cilat nuk bazohen në ide dhe vizione të përbashkëta, nuk janë të frytshme.

“Unë e kam thënë gjithnjë që bashkimet mekanike nuk janë frytdhënëse dhe këtë e kam bindje. Bashkimet ose janë në bazën e ideve dhe të vizioneve të ngjashme për të cilat mendojmë njësoj ose nuk kanë vlerë pse të bëhen. Bashkimet mekanike janë ato trenat e mëdhenj, koalicionet me shumë vagona. Sistemit zgjedhor nuk i hyn në punë. Sot duhen koalicione dhe bashkime të cilat janë për ide dhe vizione të ngjashme. Ne nuk jemi ndarë për vulën dhe as për flamurin dhe as për simbolet. Ne jemi ndarë për ‘’non gratën’’ dhe për vizione të ndryshme se si e shohin Shqipërinë, se si e shohim të ardhmen e vendit, kjo ka qenë ndarja”, deklaroi Sefa.