Analistët në të gjithë Azinë kanë reaguar me kujdes ndaj vizitës së Presidentit Putin në Phenian, duke përdorur rrjetet sociale për të ndarë mendimet e tyre. Shumica janë të interesuar për detajet e marrëveshjes midis Rusisë dhe Koresë së Veriut, sidomos për “traktatin e mbrojtjes reciproke”.

Udhëheqësi rus ka deklaruar se të dy vendet kanë rënë dakord të ndihmojnë njëri-tjetrin për të zmbrapsur agresionin e jashtëm, por mbetet e paqartë se çfarë nënkupton kjo konkretisht.

Chad O’Carroll, një specialist i Koresë së Veriut nga NK News, ka spekuluar në rrjetin social X se kjo klauzolë mund të çojë në bashkëpunim të lidhur me konflikte, përfshirë mundësinë që ushtarët koreano-veriorë të ndihmojnë Rusinë në Ukrainë.

Victor Cha, kryetar i Koresë në Qendrën për Studime Strategjike dhe Ndërkombëtare, e ka përshkruar paktin si një “përtëritje të garancive të sigurisë të epokës së Luftës së Ftohtë“.

Disa media kanë përshkruar vizitën si një kërcënim të vërtetë global. Megjithatë, Aidan Foster-Carter nga Universiteti i Leeds, i cili ka ndjekur Korenë e Veriut për më shumë se 50 vjet, ka shkruar thjesht “qetësohuni”.