Më 12 korrik, opozita do të zhvillojë një protestë kombëtare para kryeministrisë. Ky vendim u mor në mbledhjen e kryesisë së Partisë Demokratike (PD), ku Luçiano Boçi zbuloi për mediat kërkesat që do të shpalosen në protestë.

“Kërkojmë lirimin e liderit të opozitës, zotit Sali Berisha. Shqipëria është i vetmi vend që mban të burgosur kryetarin e opozitës pa fakte dhe pa akuza, nën urdhra politike,” deklaroi Boçi.

Ai theksoi se përballë kemi një Edi Ramë që përdor krimin për të blerë votat, duke krijuar një situatë që kërkon rotacion politik. “Ne kërkojmë krijimin e kushteve për zgjedhje të lira dhe të ndershme nëpërmjet një rruge të vetme: krijimin e një qeverie teknike pa Ramën kryeministër,” shtoi Boçi.

Protesta është parë gjithashtu si hapja e siparit të fitores së PD-së. “Kjo është rruga që do na çojë në fitore dhe rruga e bashkimit me të gjitha forcat opozitare,” përfundoi Boçi.