E ftuar në emisionin “Top Arena”, opinionistja Zhaklin Lekatari diskutoi shprehjet e saj të preferuara në “Kape Primen” me Erjola Doçin. Gjatë intervistës, Erjola përmendi përbashkësinë e tyre në humbjen e babait në moshë të vogël dhe pyeti Zhaklinën se si e ka përjetuar këtë moment të vështirë dhe ku ka gjetur forcën kur ka ndier se ka prekur fundin.

“Aty te fundi sepse pas fundit s’ka më asgjë dhe e vetmja mundësi që ti ke është të ngrihesh përsëri. Mendoj se ne kur prekim fundin, ajo kultura e sotme na bën të kemi frikë nga gabimet personale. Por ndonjëherë, edhe të jesh në errësirë të bën mirë sepse mund të rilindësh, të duhet kohë për të qarë për veten tënde ose të pastrosh atë që është bërë pis. Pra janë periudha reflektimi që një njeriu i bëjnë mirë. Këto janë gjëra reflektimi që njeriut i bëjnë mirë dhe aty te dështimi ti gjen copëzat për t’u ringritur. Mos kini frikë nëse mendoni se keni dështuar. Ka një tjetër sukses që do të vijë prapë. Do të lindë përsëri dielli,” u shpreh Zhaklina.

Këto fjalë të Zhaklinës nënvizojnë rëndësinë e reflektimit dhe rilindjes pas përjetimeve të vështira dhe dështimeve, duke inkurajuar njerëzit të mos kenë frikë nga gabimet dhe të besojnë në mundësitë e reja që jeta ofron.