Një shqiptar është dënuar me katër vite burg dhe ndalim në territorin francez për 10 vjet, pasi u kap duke transportuar 74 kg kokainë të fshehur mes ngarkesës me detergjentë. Ngjarja ndodhi në autostradën A9 drejt Francës, ku doganierët kryen një kontroll rrugor në një mjet mallrash të rëndë në portën e madhe të tarifave të Perthus.
Mediat e huaja raportojnë se mjeti ishte i regjistruar në Itali dhe drejtohej nga një shtetas shqiptar që po udhëtonte drejt Italisë. Gjatë kontrollit të gjysmë-rimorkios, e cila përmbante detergjent rrobash, doganierët zbuluan 74 kg kokainë. Kjo sasi droge do të kapte një vlerë prej 2.9 milionë eurosh në treg.
