Prokuroria Themelore Publike në Shkup ka lëshuar urdhër për zbatimin e një procedurë hetimore kundër një të dyshuari për veprën penale “lëndim i rëndë trupor”. Ngjarja e rëndë ka ndodhur më 31 maj, kur i dyshuari, i cili është i dënuar dhe vuante dënimin në Burgun e Idrizovës, ka lënduar rëndë një të dënuar tjetër. Sipas raportit të Alsat M, i dyshuari e ka sulmuar fizikisht viktimën me grushte dhe shkelma, duke i shkaktuar plagë të rënda, nga të cilat viktima ka ndërruar jetë më 22 qershor.

Prokuroria ka theksuar se ekzistojnë rrethana që tregojnë se i dyshuari mund të pengojë procedurën penale duke ndikuar te dëshmitarët, si dhe ekziston rreziku që ai ta përsërisë veprën penale. Për këtë arsye, prokurori publik i ka paraqitur gjyqtarit të procedurës paraprake nga Gjykata Themelore Penale Shkup një propozim për caktimin e masës së paraburgimit për të dyshuarin.