Eduard Pujol Bonell, nga Grupi “Bashkë për Kataluninë” (Junts), ka prezantuar pikën për njohjen e Kosovës në Parlamentin e Spanjës. Ai theksoi se Kosova duhet të njihet për shkak të statusit të saj si shtet demokratik dhe sovran.

“Junts propozon që Qeveria spanjolle të njohë Republikën e Kosovës si shtet të pavarur. Por ne po pyesim edhe se kush prej ju është pro njohjes së Kosovës. Ne kërkojmë nga ju të tregoni pjekuri dhe maturi në këtë çështje dhe të zbatoni bindjet demokratike tuajat,” tha Bonell para deputetëve.

Ai gjithashtu shtoi: “Shteti i spanjoll duhet ta njohë Kosovën, sepse Kosova është shtet legal dhe demokratik që e shpalli pavarësinë e vet. Drejtësia nuk duhet të jetë një mjet pazari. Ku është Palestina? A po flasim për këtë drejtësi?”

Në anën tjetër, deputetja socialiste nga partia e kryeministrit Sanchez, Obdulia Tbaoadela Alvarez, theksoi se pozicioni i Qeverisë së Spanjës për mosnjohjen e Kosovës është i njohur dhe nuk ka ndryshuar.

“Spanja mbanë pozicionin e saj mosnjohjes për Kosovën,” tha ajo, duke shtuar se Spanja angazhohet për një zgjidhje të konfliktit mes Kosovës dhe Serbisë përmes dialogut të lehtësuar nga BE-ja.