Një zjarr ka rënë pranë Tregut të ri tek Ura e Salillarit në Berat, duke alarmuar kalimtarët e rastit të cilët menjëherë njoftuan zjarrfikësit. Në vendngjarje mbërriti grupi i shërbimit me dy mjete zjarrfikëse.

Pavarësisht se zjarri po përhapej me shpejtësi për shkak të erës dhe temperaturave të larta, zjarrfikësit arritën ta izolojnë dhe ta shuajnë atë brenda një kohe të shkurtër, sipas raportimeve të gazetares Eneida Petova. Si pasojë e zjarrit, u dogj një sipërfaqe prej rreth 1000 m² me shkurre dhe ferra.

Burimet zjarrfikëse në vendngjarje dyshojnë se zjarri mund të ketë qenë i qëllimshëm dhe po punohet për identifikimin dhe kapjen e autorëve.