Një tragjedi e rëndë ka ndodhur në zonën e Grottarossa në periferi të Romës, ku një 57-vjeçar me origjinë nga Sri Lanka është vetëvarur në banesën e tij.

Ngjarja ka ndodhur pasi ai masakroi me thikë partneren e tij, një 50-vjeçare, e cila ka arritur të dalë nga banesa dhe ka kërkuar ndihmë me plagë të rënda në duar, fytyrë dhe bark.

Banorët e zonës kanë reaguar shpejt dhe kanë ndihmuar gruan, e cila është transportuar në spital në gjendje të rëndë shëndetësore.

Policia ka mbërritur në vendin e ngjarjes dhe ka gjetur trupin e 57-vjeçarit, i cili kishte vetëvarur duke menduar se kishte vrarë partneren e tij.