Policia ka nisur një plan për kontrollin e mënyrës si menaxhohen mbetjet shtazore nga subjektet thertore dhe pulari në Shqipëri. Deri tani, janë kryer kontrolle në 18 subjekte në qarqet Tiranë, Berat, Durrës dhe Fier.
Në disa raste, depozitimi i mbetjeve në gropa të hapura ka shkaktuar ndotje të mjedisit, çka ka sjellë procedime penale për administratorët e subjekteve dhe punonjësit e AKU-së. Plani operacional shtrihet në të gjitha qarqet për të mbrojtur konsumatorët, mjedisin dhe sigurinë e sezonit turistik.
