Kushtrim Selimi, ish-punonjësi i Agjencisë së Mbikëqyrjes Policore (AMP), është vetëdorëzuar pas shpalljes në kërkim. Ai akuzohet për denigrim të drejtuesve të institucioneve, kryesisht të Policisë së Shtetit, përmes një portali. Drejtori i Përgjithshëm i Policisë Muhamet Rrumbullaku, Drejtori i Policisë Kriminale Neritan Nallbati, dhe Drejtori për Rendin dhe Sigurinë Publike Rebani Jaupi kanë bërë kallëzime penale kundër Selimit për lajmet dhe denigrimin e kryer nga ai dhe vëllai i tij në SHISH.
Në këtë rast janë arrestuar edhe gazetari Ervis Hasanaga dhe Regina Omeri, punonjëse e AMP në Drejtorinë Rajonale Durrës, të cilët janë të përfshirë në të njëjtën çështje.
