Filloreta Raçi, e njohur me emrin artistik Fifi, ka shprehur dashurinë e saj për partnerin e saj, biznesmenin nga Shqipëria Adis Patushin, me rastin e ditëlindjes së tij. Këngëtarja ka ndarë një dedikim të veçantë në Instagram, i cili ka tërhequr vëmendjen e ndjekësve të saj.

Në postimin e saj, Fifi e cilëson veten si një “grua jo perfekte,” por shprehet se për familjen e tyre të vogël dhe për partnerin e saj, është e gatshme të bëjë gjithçka. Ajo e quan Adisin “babi i bebit tem” dhe thekson dashurinë e madhe që ndjen për të.

“Shumë urime për njeriun e jetës time. Më fal që nuk jam gruaja perfekte po për familjen tonë të vogël, për ne, për ty, unë do të bëj atë që nuk bëhet. Të dua shumë o babi i bebit tem,” ka shkruar këngëtarja.

Ky mesazh ka marrë shumë pëlqime dhe komente pozitive nga fansat e saj, duke treguar mbështetjen dhe dashurinë e tyre për çiftin.