Reperi i njohur shqiptar, Getoar Selimi, feston sot ditëlindjen e tij të 42-të. Getoari është një nga figurat më të dashura për publikun, dhe këngët e tij janë bërë hite të njohura.

Me rastin e ditëlindjes së tij, ai ka marrë shumë urime, por më i veçanti vjen nga partnerja e tij, Marina Vjollca, e cila i dedikoi fjalët më të bukura reperit.

“Sytë e mi ende ndizen sa herë takojnë të tutë. Lutem që kjo flakë të mos vdesë kurrë. Gëzuar ditëlindjen zemër. Të dua,” shkroi ajo në një postim në rrjetet sociale.

Getoari dhe Marina janë njohur disa vite më parë dhe kanë kurorëzuar martesën e tyre me një dasëm madhështore. Çifti shfaqen shumë të lumtur në postimet e tyre në rrjetet sociale dhe duket se po e shijojnë akoma më shumë martesën qëkur në jetë ka ardhur vajza e tyre e vogël, Marget.