Një ngjarje e rëndë është regjistruar në Gjirokastër, ku një 15-vjeçare ka tentuar t’i japë fund jetës duke konsumuar një sasi të madhe medikamentesh. Sipas informacioneve nga Policia e Gjirokastrës, e mitura është paraqitur në spital për mjekim dhe fatmirësisht ka shpëtuar. Dyshohet se 15-vjeçarja ka qenë në kushte depresive.

Njoftimi i Policisë

Drejtoria Vendore e Policisë Gjirokastër** njoftoi se pasditen e djeshme, një 15-vjeçare është paraqitur në spital për mjekim, pasi në kushte depresive ka konsumuar një sasi medikamentesh. Pas marrjes së mjekimit, ajo është kthyer në banesë. Materialet procedurale janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.