Një ngjarje e rëndë është shënuar në Greqi pasi një zjarrfikës jashtë shërbimit ka pësuar atak kardiak teksa doli vullnetarisht për të ndihmuar në shuarjen e flakëve në Korinth. Zjarrfikësi është transportuar me urgjencë në spital dhe ndodhet nën kujdesin e mjekëve.

Më herët gjatë ditës së sotme, tre zjarrfikës të tjerë u plagosën gjatë një operacioni në të njëjtin zjarr. Ata janë dërguar në spitalin e Korinthit me lëndime të lehta dhe djegie të lehta. Njëri prej zjarrfikësve ka pësuar lëndime traumatike nga një rrëzim, një tjetër ka thyer krahun, dhe tjetri ka pësuar djegie të lehta në dorë dhe fytyrë.