Rreth orës 04:15 të mëngjesit, në fshatin Melgushë, është raportuar një konflikt për motive të dobëta ndërmjet shtetasit J. M., 32 vjeç, banues në këtë fshat, dhe disa shtetasve të tjerë. Gjatë përleshjes, dyshohet se është qëlluar me armë zjarri në ajër.

J. M. është shoqëruar në Komisariat dhe janë duke u kryer veprimet procedurale për këtë rast. Grupi hetimor, nën drejtimin e Prokurorisë, është angazhuar në zbardhjen e rrethanave të konfliktit, identifikimin e personit që ka qëlluar me armë zjarri, si dhe të shtetasve të tjerë të përfshirë në ngjarje.