Kreu i Demokratëve Euroatlantikë, Lulzim Basha, ka reaguar në Facebook lidhur me votimin e Reformës Zgjedhore nga PD e Berishës dhe PS e Ramës. Basha e cilëson votimin e sotëm si një pazar kundër SPAK dhe kundër interesave të Shqipërisë.

Basha theksoi se Rama dhe Berisha janë të lidhur ngushtë dhe se pa njëri-tjetrin nuk mund të mbijetojnë politikisht. Ai bëri thirrje për ndëshkimin e tyre përmes votës dhe për të sjellë ndryshimin që vendi meriton.

“Tani që perdja e revolucionit ra dhe pazari doli në shesh, radhën e kanë qytetarët. T’i ndëshkojmë me votë, t’i japim vendit ndryshimin që meriton!” – shkroi Basha në reagimin e tij.