Policia e Kosovës ka bërë thirrje për qytetarët që mund të kenë qenë të mashtruar për termine për viza pune jashtë vendit, të lajmërohen në stacionin më të afërt policor. Kjo pas një arrestimi të fundit të një të dyshuari për veprën penale të mashtrimit, i cili u akuzua për marrjen e shumave të ndryshme parash nga të paktën nëntë persona, duke u premtuar termine për viza pune.

Sipas njoftimit të policisë, hetimet fillestare sugjerojnë se mashtrimi mund të ketë ndodhur për një periudhë të gjatë dhe dyshohet se numri i personave të mashtruar mund të jetë më i madh se sa numri i raportuar.

Policia kërkon nga qytetarët që mund të jenë viktima të rasteve të tilla, të lajmërohen në stacionet më të afërta policore për të ndihmuar në hetimin përfundimtar të çështjes.