Një djalë tre muajsh, Jeremia, u qëllua në gjoks në një parking në Çikago ndërsa prindërit e tij po blinin qumësht formule për fëmijë. Familja ndaloi makinën në parking rreth orës 16:30 kur dy burra zbritën nga një SUV ngjyrë kafe, hapën zjarr ndaj tyre, dhe më pas u larguan me shpejtësi.

Jeremia u godit në pjesën e sipërme të gjoksit, ndërsa babai i tij 21-vjeçar u plagos rëndë në shpatull, krah dhe qafë. Ndërkohë që babai vrapoi për të shpëtuar të birin mes plumbave, nëna e Jeremias mori makinën dhe doli nga vendi i ngjarjes. Më pas, ajo futi djalin e saj në një ambulancë.

Jeremia përfundoi në spital në gjendje të rëndë dhe iu nënshtrua një operacioni kompleks. Gjendja e tij është e qëndrueshme, por mjekët parashikojnë se ai do të kërkojë trajtim mjekësor të gjatë për shkak të plagëve të tij. Deri tani, askush nuk është arrestuar në lidhje me këtë krim.