Vrasja e kreut të Hamasit dhe komandantit të Hezbollahut ka ngritur frikën për një hakmarrje të mundshme dhe zgjerim të konfliktit në Izrael. Banorët janë alarmuar, veçanërisht pas kërcënimeve nga Irani, ku u ekzekutua dhe Ismael Haniyeh. Këto ngjarje kanë çuar mijëra izraelitë, kryesisht gra dhe fëmijë, drejt aeroporteve për t’u larguar nga vendi.

Rreth 70,000 pasagjerë janë grumbulluar në aeroportin e Tel Avivit, për të kapur fluturimet e fundit jashtë Izraelit, ndërsa shumë kompani ajrore kanë filluar të pezullojnë udhëtimet drejt këtij vendi. Deri më tani, shtatë linja ajrore kanë pezulluar fluturimet drejt aeroportit Ben Gurion, sipas rrjetit televiziv izraelit Channel 12. Këto linja ajrore janë Delta, United Airlines, Lufthansa, Austrian Airlines, Brussels Airlines, Fly Dubai dhe Air India.

Frika dhe pasiguria janë të larta, dhe situata mbetet e tensionuar ndërsa shumë njerëz përpiqen të largohen për të siguruar sigurinë e tyre.