Qeveria miratoi dje një projektvendim të rëndësishëm për zhvillimin e “Ekonomisë Blu”. Ministrja e Bujqësisë dhe Zhvillimit Rural, Anila Denaj, në një konferencë për mediat pas mbledhjes së qeverisë, njoftoi se Shqipëria do të bashkëpunojë ngushtë me qeverinë italiane për të mundësuar një financim prej 25 milionë euro për përmirësimin e infrastrukturës së peshkimit në vend.
Sipas Denajt, ky financim do të përdoret për të përmirësuar kushtet për peshkimin artizanal dhe për të ngritur marka të reja për produktet peshkore. Ajo shprehu optimizëm për ratifikimin e kësaj marrëveshjeje në Kuvend brenda këtij viti, me qëllim zbatimin e investimeve të rëndësishme në sektorin e peshkimit.
