Turqia ka vendosur të bllokojë aksesin në platformën e mediave sociale, Instagram. Rregullatori i Teknologjisë dhe Komunikimit në vend e bëri të ditur këtë masë të hënën, por nuk ofroi asnjë arsye specifike ose një afat kohor për sa do të zgjasë ky bllokim. Ky veprim ndodhi pas kritikave të bëra nga zyrtari turk i komunikimeve, Fahrettin Altun, i cili e akuzoi platformën për bllokimin e postimeve që ofronin ngushëllime për vrasjen e Ismail Haniyeh, një zyrtar i lartë i grupit militant palestinez, Hamas.

Në një postim në platformën “X”, Altun e quajti këtë veprim si censurë të pastër dhe të qartë, duke theksuar se Instagram nuk kishte ofruar ndonjë arsyetim për këtë bllokim. Vendimi për bllokimin e Instagramit u publikua në faqen zyrtare të Autoritetit të Teknologjisë dhe Komunikimit në Turqi më 2 gusht.