Të tjera detaje janë zbardhur në lidhje me një pengmarrje në Tiranë, ku tre persona rrëmbyen me forcë një 22-vjeçar. Sipas informacionit të fundit, i riu është marrë peng nga babai i ish të dashurës së tij, i cili ishte i shoqëruar nga dy bashkëpunëtorë.

Pas rrëmbimit, ata e kanë çuar të riun në një lokal në fshatin Shëngjergj, ku kanë ushtruar dhunë fizike ndaj tij.

Policia ka arrestuar tre personat e përfshirë në këtë ngjarje: A. Ç., 41 vjeç, A. Ç., 38 vjeç, dhe E. K., 27 vjeç, të gjithë banues në Tiranë. Ata janë akuzuar për veprën penale “Heqja e paligjshme e lirisë”, kryer në bashkëpunim, sipas nenit 110/25 të Kodit Penal.

Sipas njoftimit të policisë, këta shtetas, në bashkëpunim me njëri-tjetrin, kanë marrë forcërisht në automjet një 22-vjeçar dhe kanë ushtruar dhunë ndaj tij për motive të dobëta.