Komisioni Qendror i Zgjedhjeve ka shpallur përfundimin e orarit të votimit për zgjedhjet e pjesshme për Kryetarin e Bashkisë Himarë. Në një njoftim zyrtar, KQZ ka njoftuar se procesi ka qenë i qetë dhe identifikimi elektronik i zgjedhësve përmes sistemit PEI ka funksionuar me sukses.
Komisionet e qendrave të votimit janë duke përgatitur kutitë dhe materialet zgjedhore për t’i dorëzuar në KZAZ-në nr. 88, ku do të fillojë procesi i numërimit të votave. Sipas informacionit të përkohshëm, pjesëmarrja në zgjedhje ka arritur në 36.9%. Numërimi i votave do të fillojë sapo të arrijë kutia e fundit e votimit në KZAZ.
