Një zjarr i fuqishëm ka shpërthyer në lagjen “Uznovë” në Berat, pranë vendit të quajtur “Zagorja”, duke u përhapur me shpejtësi për shkak të erës dhe temperaturave të larta. Zjarri, i cili ka filluar të rrezikojë seriozisht banesat e afërta, është shkaktuar aksidentalisht nga një banore që po digjte mbeturina në oborrin e saj.
Grupet e shërbimit zjarrfikës janë ndodhur në vendngjarje me dy mjete dhe kanë konstatuar se një fushë me bimësi dhe bar të thatë është përfshirë nga flakët. Nga zjarri janë djegur rreth 2 dynym bimësi dhe shkurre. Zjarri ka rrezikuar seriozisht banesat në zonë dhe ka qenë në proces të shuarjes nga zjarrfikësit.
